ولدت توام
انت في الصفحة 1 من 6 صفحات
وقبل ما بدأ حكايتي اعرفكم بنفسي انا أسمي سماح عندي 27 سنه وعايشه مع امي وابويا وفي يوم ابويا تعب وراح المستشفى وهناك الدكتور قالنا
البقاء لله ياجماعة شدو حليكم ربنا يرحمة ويغفر له يارب
وبعدها اڼهارت انا وامي واخدنا عزا ابويا واقعدت مع امي وكان عمي موجود وقولت لهم
انا عايزة انزل اشتغل في مصر ياما عشان اقدر اصرف عليا وعليكي
انتي بتقولي ايه يابت يا سماح انتي اټجننتي ولا ايه تروحي تشتغلي فين معندناش بنات تنزل مصر لوحدها وتشتغل
سماح
وانا لو قعدت في البيت ياعمي هناكل انا وامي منين هنعيش ازاى وانت عارف ان ابويا الله يرحمة راح ومسبلناش ولا مليم حتى نصرف منه
العم
انا مليش دعوة بالكلام ده يابت انتي انتي تسمعين الكلام مفيش شغل في مصر يعني مفيش شغل مصر وبص لأمي وقالها
سماح
انا هعمل اللي انا شايفاه في صالح ليا انا وامي ياعمي واظن انا لو فضلت كده مش هلاقي اللقمة ناكلها
العم
يعني تروح تعيشي في مصر لوحدك من غير مايكون حد معاكي وكده بقا انتي هتصرفي وتجيبي اعقلي ياسماح متخلنيش ازعلك انا ماشي
وسبنا ومشي وامي قالت لي
وبعدهالك ياسماح انتي يابنتي عايزة ايه عايزة تحطي راسنا في الطين ولا ايه اسمعي كلام عمك واقعدي
وانا لما اسمع كلام عمي ياما هو هيصرف علينا ولا حاجة ده عمره ماهيصرف علينا مليم احمر والبركة في مراتة
الام
يابنتي ربنا هيبعت لنا رزقنا بطلي العند اللي في راسك ده ياسماح واسكتي
سماح
انا مش هينفع افضل ساكته ياما وانا شايفه الناس ده يدينا حسنة من هنا وحسنة من هنا لا انا اشتغل احسن واجيب لك الفلوس اللي انتي عايزاه من غير مانمد ايدنا للي يسوي واللي ميسواش
خلاص ابقي قولي لعمك تاني وشوفي راية ايه وبطلي تعملي حاجة من دماغك احنا ملناش حد دلوقتي غيره
وبعد يومين رحت لعمي وقولت له
ياعمي عشان خاطري وافق اني انزل اشتغل في مصر الله يخليك انا مش هعرف اعيش انا وامي كده من غير فلوس وانت يوم بتدينا ويوم لأ
العم
انا قولت لا ياسماح انتي عايزة اهل البلد يقولو ايه عليا ساب بنت اخوه تروح تشتغل في مصر وهو مش قادر يصرف عليها
يعني هو انت عارف تصرف على ولادك لما هتصرف عليها هي وامها ياسامي متيسبها تروح تشتغل وتعتمد على نفسها وتجيب فلوس ليها ولامها
سماح
قوليلو يامرات عمي انا مش عايزة حد يصرف علينا كفايه اللي عندك ياعمي انا عايزة أصرف على نفسي انا وامي قولت ايه
العم
طيب ولما تروحي مصر بقا هتشتغلي فين وهتسكني فين ياسماح ماهو انا لازم اعرف كل حاجة هتعمليها ولا ايه
طبعا ياعمي ليك حق تعرف كل حاجة انا هاروح اقعد مع البت سهير بنت الحاج علي هي عندها مكان هسكن معاها فيه والشغل في مصنع انا اتصلت بيهم وقالو لي اروح استلم علطول دي فلوسهم حلوه اوي
العم
امممم طيب وسهير هتسكنك معاها في نفس الشقه بتاعتها ولا هتسكنك فين بالظبط عشان ابقي عارف
سماح
سهير عندها اوضة كده فوق السطوح بتاع بيتها ياعمي وبعدين انا مش هغلب انا مش صغيرة وافق بقا الله يخليك ياعمي خليني اشوف اكل عيشي
العم
ماشي ياسماح المهم تخلي بالك من نفسك وتكلمينا علطول ومتتاخريش وترجعي في الاجازة ماشي
سماح
حاضر ياعمي اكيد يعني مش هتأخر على امي ابدا
ورجعت البيت وقولت لأمي ان عمي
