مرات ابويا

تاخدي بالك من تربيتهم وتهتمي في اكلهم وتعلفيهم كويس ودا دواء حطي في الميه بتاعتهم دي فيتامينات تخلي الفرخه بصحتها وتكبر اسرع وانا اهو معاكي في اي وقت
مياده
تسلملي يا خويا .. وحطت مياده الفراخ بتاعتها في العشه وحتطلهم اكل وميه وعملت زي ما قالها مصطفي وبعدها اخدت بعضها ونزلت شقتها
فضلت كل يوم تطلع عشان تاخد بالها من الفراخ وتربيهم وتنزل تاني وفي الطالعه والنازله عباس يفضل يغلس عليها ويقولها كلام يسد النفس وشاكك فيها
المهم مياده بتتغاضي دا كله ومش مركزه غير في المشروع بتاعها وازاي تكبرهم بسرعه وتعمل زي ما مصطفي قالها وبدأ المشروع يجيب همه وبعد مرور تلات شهور بدأ جزء من الفراخ يبيض وبدء مصطفي ياخد منها البيت ويودي المحلات اللي هو بيودي فيها ويشترو منه
وفي يوم نازله مياده من علي السطوح مسكها عباس وفضل يتهمها اټهامات وحشه وانتي ست خاينه ووحشه وقالها مشوفش وشك بره الشقه دي تاني واحترمي انك ست ارمله يعني اللي زيك مفروض تبقا عينو مكسوره
مياده
وانا ايه اللي يكسر عيني يا عباس ليه قالولك اني مطلقه ولا طلقني عشان شاف مني حاجه وحشه انا واحده جوزها ربنا افتكرو ودي سنة الحياه عقبال ما تتنفذ عليك يبعيد ولو احتكيت بيا تاني يا غباس هخلي اللي ما يشتري يتفرج عليك
فتحيه
مالك يابت انتي محدش عارف يكلمك ولا يلمك كدا ليه انتي نسيتي نفسك مالك بجوزي وحاطه في دماغك ليه كدا لا تكوني نسيتي نفسك
مياده 
لا يا عمتي منستش نفسي وعارفه انا مين كويس وجوزك مين دا اللي احطو في دماغي دا خساره احطو شبشب في رجلي واديني بحذرك انتي وهو لو حد احتك بيا تاني لا اخلي اللي ميشتري يتفرج عليكم .. اشكال تعر
مريم بنت سيد
ابقي كلمي عمو كويس يا خطافة ابويا انتي متكلميش عمي كدا تاني ولا عايزه تاخدي عمي زي ما اخدتي بابا مني
مياده
لا يا حبيبتي انا ماخدتش حد ابوكي كان سيد الرجابه لكن عمك دا مش راجل اصلا وبلاش تكوني زيهم وتعومي علي عومهم .. ودخلت مياده شقتها وفضلت تقول
يارب انا هفضل للي انا في دا لأمتا ولا انا ومتجوزه سيبيني في حالي ولا انا ومش متجوزه سيبيني طيب اعمل اي يارب اروح فين واجي منين انا تعبت يارب انا عندي 33 سنه هفضل لأمتا في العزاب دا .. هونها يارب عليا .. ومسحت دموعها ودخلت عشان تنام
وتاني يوم طلعت عشان تشوف شغلها وتحط اكل للفراخ زي كل مره وفي يوم من الايام كانت مياده واقفه مع مصطفي وتحسب المكاسب اللي كسبتها والدخل الشهري كان كام وبعدها دخلت مياده العشه عشان تأمن علي الفراخ ومصطفي دخل وراها يعدو الفراخ ومفروض تبيض كام بيها
ف مريم كانت طالعه السطوح شافت مياده ومصطفي في العشه مع بعض .. نزلت جري مياظه علي عمها عباس وقالتلو
يا عمو عباس يا عمو عباس
عباس
ايه يا مريم في ايه
مريم
.الحق يا عمو عباس انا كنت طالعه علي السطوح وشوفت عمو مصطفي ومرات بابا مع بعض في العشه
عباس پغضب
في العشه ! شوفتيهم بيعملو ايه
مريم
معرفش يا عمو قوم بسرعه شوفهم .. وجري عباس علي السطوح وشاف فعلا مياده ومصطفي في العشه
عباس
الله الله ياست هانم في العشه كدا وفي عز النهار اومال عامله علينا محترمه ليه
مياده پصدمه من اللي بيقولوا
اخرس قطع لسانك انا اشرف منك
عباس بسخريه
ههههههه اشرف مني هههههه لا
ما هو واضح .. وانت يا استاذ مصطفي