طفلي كشف الخېانة “القصة كاملة”
مراتي طلبت اننا نروح مصيف في شرم الشيخ مع اختها وجوزها، هو مصري بس متغرب في دولة اوروبيةلكن أنا شغال في مصر وبالنسبة لظروف شغال مكنش فيه فرصة اني اخد اجازة واروح معاهم المصيف، فـ اعتذرت لمراتي اني مش هقدر اروح وحجزتلها سويت هي وأولادي جنب اختها
المهم انهم راحوا اسبوع المصيف ورجعوا وطبعا زي أي زوج لما لقيت مراتي راجعة مبسوطة فرحت (ما مفيش نكد بقى)
لكن بداية المشاكل بدأت لما لقيت مراتي وهي نايمة بتقول اسم جوز اختها،انا محطتش في دماغي وقتها.. بالمناسبة احنا في اواخر العشرينات واختها ووزوجها في بداية الثلاثينات واحنا عندنا كريم (6 سنوات)
المشكلة بدأت لما لقيت صور لمراتي بمايوه بكيني على لانش ولما سألتها قالتلي ده بتاع اختي وكنت بجربه وهي اللي مصوراني
حصل وقتها خناق وزعيق ليها ازاي تلبس مايوه وان دي مش عاداتنا وكده وقعدنا متكلمناش يومها
و لحسن حظي وانا بهزر مع ابني وبقوله ايه ياعم كنت بتعوم في المياه ولا لابس عوامة
قعد يحكيلي عن انبساطه في المصيف وفي وسط كلامه اتكشف كل اللي حصل وكنت متغمي عنه، لقيت الطفل بيقول ان اونكل (زوج اخت مراتي) خد ماما وطلعوا..
لقيت ابني بيقول ان اونكل (زوج اخت مراتي) خد ماما وطلعوا رحلة باللانش وخالتوا فضلت قاعدة معايا، لما قالي كده متسرعتش وواجهت مراتي زي الموقف بتاع البكيني لكن فضل ييجي في بالي مواقف كتير وكلام كتير شكر بتقوله على جوز اختها قبل كده، علطول جه ف بالي وقولت اراقبها بدل ما اواجه وتاخد حذرها لو فيه حاجة بينهم، وفرصتي جاتلي لما سابتلي الموبايل بكلم والدي.
فتحت الواتساب لقيت كلام غرامي وحب وكلام بيبين ان فيه حاجات كبيرة بينهم وصلت للي انت فاهمه!!
ايوة اللي في دماغك
طبعا انا معرفتش اتعامل معاها طبيعي بعدها بس مقولتلهاش على اللي شوفته لحد ما اشوف انا هعمل ايه، اخت مراتي عندها بنتين وست في منتهى الاحترام
انا طبعا فكرة الطلاق كانت شيء مؤكد لكن افضح الأمر ولا اطلق في سكات؟وفيه مشكلة أكبر اني ماضي على قايمة ومش عارف اعمل ايه، مش عارف أحل من انهي ناحية وازاي !
لحد ما بقيت واقف مش عارف اعمل ايه، لو حكيت اللي شوفته هيبقى منظرها ايه ودي مراتي أم عيالي (هي مش فارقة معايا) وإني اكشف سرها أو لأ مش فارق معايا عشان عيالي،، فـ مش عارف اعمل كده ولا اسكت عشانهم
وفي نفس الوقت مستحرم مقولش واخت مراتي تتظلم مع جوزها اللي خاڼها..
انتو رأيكم اعمل ايه لأني حرفيًا أنا عاجز ومش لاقي حل مناسب يمكن تفيدوني
