مفاجأة.. ماجد الكدواني يكشف سر ذهابه للطبيب
كشف الفنان ماجد الكدواني، سر ذهابه لطبيب نفسي بعد فيلم تراب الماس، وذلك خلال لقائه مع الإعلامي عمرو أديب والمطربة أصالة في "بودكاست BIGTIME".
وقال: بعد ما عملت فيلم تراب الماس، وفوجئنا بتأثرنا بالشخصية، وحسيت إن الشخصية لبستني ومراتي وابني بعد الفيلم بسنة قالولي أنت مش أنت ولازم تروح لطبيب نفسي.
وأضاف: مروان حامد نفسه قال لي أنت مش ماجد اللي أعرفه ولازم تروح لطبيب نفسي، فعلا أنا كنت اتغيرت بعد لما حبيت الشخصية في فيلم تراب الماس ولبستني وتمكنت مني وغذت جوايا حاجات بتغير الإنسان ومروان حامد قال لي عن الشخصية دي المۏت على المحرمة إنه كل إنسان فينا جواه حتة عايز يعمل كل اللي نفس فيه من غير حساب ولا تأنيب ضمير ولا جلد ذات ولا خوف من عقاپ ولا لوم ولا حسابات لقيم.
وتابع: أنا كنت واصل لمرحلة ڠضب مريع وأشوط حاجات برجلي وطاقة غريبة جوايا، فلما روحت للدكتور قال لي إذا كان فيه شخصية دخلتك وحبيتها بتفضل في العقل الباطن عندك، وأخدت كورس لطيف وابتديت أهدى من غير أدوية خالص، وبعدها بفترة حصل موقف ڠضبت ڠضب انفجاري بسبب حالة خاصة جدا في البيت حاجة ضاعت مني ومش لاقيها قلبت معايا پهستيريا مراتي وقتها قالتلي كلم الدكتور بقى أسأله إيه اللي بيحصل فقال لي الشخصية تحول لملف مقفول ممكن يتفتح وطمنهم في البيت وقال لهم عندي شخصية وليد سلطان اللي في فيلم الماس ساعة يروح وساعة يجي.
وأختنم: أنا مش طيب أوي على فكرة، كلنا شوفنا مشاكل وعدينا بمصاعب كتير وكتر الأوقات اللي ڠضبت وتمردت فيها سببت لي في مشاكل فاقتنعت بالإيمان وتسليم أمري لله وأي حاجة أقول حسبي الله ونعم الوكيل أوكله في أي حاجة ويشيل هو، وفعلا بعد تمردي تحولت لكدواني آخر زي اللي ربنا خلقه لإنه أمتع وأبسط وألطف.
