ميس حمدان تكشف عن مواصفات فتى أحلامها؟!
كشفت الفنانة ميس حمدان عن مواصفات فتى أحلامها، وذلك خلال لقاء لها مع الإعلامية إنجي علي في برنامج "أسرار النجوم" المذاع عبر نجوم FM.
وقالت ميس حمدان: "عايزة أتدلع وأتخانق من شعري وأهبش فيه، وعايزة حنان وعايزة أتحب ويتقال لي كلام حلو".
وعن تفكيرها في الزواج، علقت ميس حمدان: "أنا فاتحة الباب، لكن لما تبصي حواليكي قلائل جدا وشبه معډومة نشوف زوجين فعلا مرتاحين".
ميس حمدان تكشف أسباب قصر الزيجات في الفترة الحالية
وعن رأيها في سبب الانفصال السريع بين الأزواج في الفترة الحالية، قالت ميس حمدان: "في أسباب كتيرة، إحنا كأمة بعدنا عن ربنا كتير وأنا منهم، مش متمسكين وعايزين نكتفي بشخص واحد".
وتابعت ميس حمدان: "ثانيا الإغراءات بقت عالية جدا، والسوشيال ميديا خلت مفيش حد راضي باللي عنده وكله عايز أحسن، والنسوان مش سايبة الرجالة في حالها ولا الرجالة سايبينهم، وكل واحد طول الوقت عايز حاجة جديدة تزغزغه".
فيلم السيستم
وكانت الفنانة ميس حمدان شاركت في فيلم "السيستم"، بطولة النجم أحمد الفيشاوي كضيفة شرف، وشارك في العمل كذلك كل من طارق لطفي، بسنت شوقي، نسرين طافش، وعدد آخر من نجوم الفن.
