دخلت صاحبتي المطلقه بيتي

دخلت صاحبتي المطلقة بيتي وبعدها عرفت ان عندها تؤام من جوزي
وقبل ما بدا حكايتي اعرفكم بنفسي انا أسمي داليا وعندي 27 سنه متجوزة ولسه مش معايا اولاد
وفي يوم كنت في المطبخ بعمل الاكل لقيت الباب بيخبط رحت افتح الباب لقيت صاحبتي ملك قولت لها
ملك حبيبتي عامله ايه تعالي ادخلي ياقلبي ده انتي وحشتيني اوي الله انتي بټعيطي ليه مين اللي مزعلك
ملك بټعيط 
انتي اللي وحشتيني اكتر ياحبيبتي شوفتي اللي حصلي يا داليا
داليا
ايه ياحبيبتي خير في ايه احكي لي
ملك
جوزي الواطي الندل طلقني ياداليا طلقني عشان يرضى الست امه الحرباية اللي اصلا لا تطاق

داليا
لا حول ولا قوة الا بالله هي حماتك عايشه معاكم اصلا ياملك ولا ايه اللي جابها عندكم فهميني
ملك
انا هحكي لك يا داليا الست الهانم امه كانت جايه تقعد عندي يومين تمام الوليه جات وفضلت مسكه لي على الواحدة ايه ده وانتي مش منضفه شقتك هو الغسيل ده مش نضيف ليه هو الاكل هيخلص امتى وفضلت على كده
داليا
وبعدين ياملك كملي
ملك
لما رجع المحروس جوزي اللي هو ابنها من الشغل بشتكي له منها راحت خلته قلب عليا وفضلت تسخن فيه اليومين اللي هي اقعدتهم عندي خلته طلقني وقالي يلا من هنا وارجعي لعمك
داليا
طيب ليه بس كده ده حاتم طول عمره طيب وانتي نفسك كنتي بتقولي ده مفيش منه في الدنيا ايه اللي حصل بس
ملك
مانا بقولك هي امه اللي سخنته عليا وخلته يقلب عليا جامد كده انا زهقت منه لاني حسيت انه سلبي اوي قدام امه وملوش شخصية قدامها وفعلا سمع كلامها وطلقني علطول
داليا 
معلش ياملك ياحبيبتي سبيه يومين يمكن ربنا يهديه ويرجع لعقله ويردك تاني
ملك 
وهو لو جه وردني انا هوافق اصلا لا طبعا ده لايمكن ارجع له الراجل ده ابدا
داليا 
طيب اهدي ياقلبي يعني انتي هترجعي عند عمك تاني
ملك 
ما انتي عارفه انا مليش حد غير عمي مانا كنت عايشه معاهم في البيت بس شقتي بتاعتي اللي ورثتها من بابا موجوده وهقعد فيها انا بس قولت قبل ماروح هناك اعدي عليكي اشوفك عشان كنتي وحشاني وبعدين اروح البيت
داليا 
ده انتي نورتيني ياملك ياحبيبتي انا سعيده اني شوفت بس كان نفسي اشوفك في ظروف احسن من كده انتي هتقعدي بقا تتغدى معانا خالد زمانه راجع من الشغل ونتغدي سوا
ملك 
لا لا يا داليا انا همشي قبل جوزك مايرجع انتي عارفه انا بتكسف من جوزك ده اوي ياداليا
داليا 
ليه بس ياملك ده حتى خالد بيحب يضحك ويهزر وبيحب الناس اللي انا بحبهم عشان خاطري خليكي بقا معانا انا هدخل المطبخ اكمل الغدا قبل ماخالد يوصل
وسبت ملك ودخلت المطبخ وهي فضلت تتفرج على شقتي وقالت لنفسها 
كل العز ده عندك يا ست داليا والشقه وعندك كل حاجة الله يرحم ايام مكنتي عايشة في بيت امك المعفن
وبصت على صورتي انا وقالت 
لاوخالد جوزك مزز اوي وزي القمر مش البيه اللي انا متجوزاه اللي فاكر نفسه حلو وهو اصل معفن
وبعد شويه خالد فتح باب الشقه ودخل لاقي ملك قاعده في الصاله اتحرج وقال 
احم احم مساء الخير انا اسف جدا مكنتش اعرف انه في حد عندنا
ملك 
لا ابدا انا اللي اسفه انا ماشية والله بس داليا اللي مسكت فيا اني اقعد
وخرجت من المطبخ وقولت له 
انت جيت ياحبيبي اعرفك بملك صاحبتي انا وهي مكناش بنسيب بعض ابدا بس الجواز بقا كل واحده اتلهت عن التانية
ملك 
لا يا داليا بس انتي اتجوزتي قبلي واتلهيتي عني ياختي مش انا
انا كنت بسال عنك
علطول
خالد
اهلا