اختي ڤضحت بنتي
الشړ
عايده
والله العظيم مش عارفه اقول لك الكلام ده ازاي بس مش عارفه افكر في اي حل وانت الوحيده اللي هتخليني احل المشكله اللي انا فيها دي
نوال
اكيد يا حبيبتي ربنا يخلينا لبعض
قولي بس فيه اي وانا والله اي حاجه
ب ايدي هساعدك فيها
عايدة حكت لها اللي حصل لنور بنتها وقالت لها
يلهوي انتي بتقولي ايه ياعايدة بقا معقوله بنتك تعمل كده ليه ده انتي حتى ياختي مدلعاها ومخلياها مش محتاجة حاجة خالص تعمل كده ليه
انا مش عارفه اعمل ايه والبت جاي لها واحد كويس وامه كلمتني وانا قولت لها هرد عليها لما اشو البت وقولت ادي نفسنا فرصة نعدل اللي اللي هي عملتة ده يمكن يكون ليها حل وقولت اكلمك
نوال
وده مين ده بقا اللي متقدم لبنتك ده وعلى فكرة ياعايدة مش هينفع تضحكي على الناس وتديهم بنتك وهي معيوبة كده انتي لازم تتصرفي
طيب اعمل ايه يانوال قولي لي شوري عليا اعمل ايه انا كنت سمعت عن العمليات دي وانها بترجع البنت تاني زي ماكانت ايه رايك نعملها البنت لازم ترجع تاني زي الاول
نوال
ااه بتتعمل عادي بس بتحتاج مصاريف وفلوس كتير ياعايدة معاكي تدفعي ياختي ولا هتستلفي بقا وكده اصل يا حبيبتي مش عارفه انت عارفه ولا لا بس الجمعيات دي غاليه قوي
انا معايا الفلوس الحمد لله يانوال بس نعمل الموضوع ده ونخلص من الحكاية دي أهم حاجة عشان البت تتجوز مش هينفع تفضل كده
نوال
هو انا يا حبيبتي عارفه انك بتتعمل بس مين اللي بيعملها اكيد ما اعرفش بس انت عارفه ولا انا ولا بناتي ليه في الكلام ده
عايده
ارجوك يا لولا انا عارفه ان انت مش هتسيبيني وهتفضلي واقفه جنبي لحد ما احل المشكله ان انا فيها دي
طبعا يا حبيبتي هو انت عندك حد غيري تقدري تتكلمي معايا او تقولي حاجه
وفعلا اخدت عايدة بنتها عند الدكتور الشمال اللي بيعمل العمليات دي وعملوا عمليه لنور ورجعت بنت تاني وامها قالت لها
اسمعي انتي من هنا ورايح لحد لما تروحي بيت جوزك اياكي تشوفي عتبة الباب ده شكلة ايه
نور
بس انا مش عايزة اتجوز عايزة افضل عايشة كده من غير جواز عشان خاطري ياماما انا اتعقدت من الجواز ومش عايزة اتجوز
اخرسي يابت خالص مش عايزة اسمع صوتك ده انتي فاهمة واللي انا اقول عليه يمشي يابت وإياكي تعارضيني في اي حاجة
وبعد كام يوم راحت ام العريس والعريس وأخواته وطلبو ايد نور وهي كمان عجبتهم جدا لأنها جميلة اوي وعايدة قالت
خلاص ياست ام احمد الفرح هيبقا الشهر الجاي ان شاء الله زي مانتي طلبتي
الحما
ماشي ياست عايدة هو احنا نطول نناسبك ياست الناس انتي مشاء الله عليكي الناس كلها بتحلف بسيرتك الحلوه
ربنا يخليكي يا ام احمد ده انتو اللي احسن ناس
وعند نوال قالت لبنتها
شوفتي البت بنت خالتك والعريس المتريش اللي جالها العريس اييييه يابت عندهم شيء وشوياااات وجايب لها ياختاااي على الحاجات اللي جايبها لها
اماني
واحنا مالنا ياماما وبعدين نور ونصيبها كده احنا مالنا المفروض تبازكي لها مش بنت اختك برضو والمفروض تفرحي لها
نوال
افرح لها افرح لها بايه ياموكوسة ده انا نفسي يجي لك عريس زي ده نفسي بس مفيش واديكي قاعده في ارابيزي اهوه اهوه ياختي
اماني
كل واحده بتاخد نصيبها ياماما وبعدين محدش عارف النصيب فين هي نصيبها كده كويس وانا كمان اكيد ربنا حايش لي الأحسن اصبري ياماما
نوال
اصبر اصبر ايه ياعين امك اصبر ايه ده انا مش هسكت انتي
