جدي

اتلمت وبان عليه عيل من العيال اللي واقفه كان تبعهم وراح قال للمعلمه بدريه لقيتها جايه قعدت جنبي ما قالتليش ان هي اللي مشغلاه ولا اي حاجه لكن لما شافها مشي على طول
كريم
ازاي ېخاف منها هي بتخوف يا جدي
الجد
والله ما انا عارف بتخوف ولا ما بتخوفش لكن هم بيخافوا منها اصلها مشغله تحت ايديها كم عيل كده كبار في السن هم اللي مدورين الحكايه وهي بتبقى قاعده مكانها وكل شويه تلف عليهم تشوفهم بيعملوا ايه العيال الصغيرين يعني المهم قعدت جنبي واتكلمت وحكيت لها ظروفي المهم
هي سرسبتني في الكلام وما كنتش اعرف ان هي المعلمه بتاعتهم المهم هي من كلامي عرفت ان ما فيش حد ورايا يعني ما فيش معلم مسرحني
هاله
يعني ايه مسرحك يا جدي انت بتقول كلام غريب 
اوي انا مش فاهمه منك حاجه
الجد
مسرحني يعني هو اللي مطلعني اشحت وبدي له الفلوس ويديني زي مرتب كده كل يوم حاجه من اللي انا اشتغلت بيها قصدي شحت يعني قصاد مراقبتهم ليا كانهم بيحرسوني
هاله
انا مش فاهمه يا جدي بيحرسوك من ايه
الجد 
لما اخدك بالليل هتعرفي لان اللي بيشحتوا في الشوارع مش لوحديهم قليل قوي اللي تلاقيه لوحده لكن كلهم وراهم معلمين هم اللي مشغلينهم وبعدها روحنا عند بدريه 
ولقيتها بتقول لجدي
بدريه
يا مرحب فينك بقى لك كم يوم مش ظاهر
الجد
اعمل ايه ابني بلاني بثلاث بلوات انا لا عارف اخرج ولا عارف اعمل حاجه ولا لالهم لقمه اكلهم اهو كل يوم يخبطوا على جار شكل ياخدوا رغيفين ثلاثه واي غموس كده
بدريه
يعني دول ولاد ابنك بجد ولا بتضحك عليا
الجد
لو النعمه ولاد ابني وامهم اللي ما عندهاش ريحه الډم رايحه تتجوز فاكره نفسها
بدريه
وايه يعني لما الست تروح تتجوز هي كفرت يعني ولا كفرت ولا حلال لكم وحرام لها
الجد
لا براحتها بس جت رميتهم ليا وقالت لي انت اصرف عليهم والهانم كان فرحها امبارح اتجوزت قهوجي شغال في قهوه كبيره يا ريتها اتجوزت حد عدل
بدريه
وانت جاي اعمل ايه بقى ادور للبنت الصغيره دي على عريس يكون كبير في السن ويديك فيها مبلغ حلو هتجيلك بعد شهر ولا اثنين وتفضل على الحاله دي كل شهرين ثلاثه نجوزها واحد كبير
الجد
لا جوازه وبتاع ايه انا مش جاي ابيعها انا عايزك تسرحيها هي واخواتها مع اللي بتشغليهم بشرفها يعني مهما كان دي حته مني هي واخواتها بس الايد قصيره اعمل ايه
بدريه
الايد قصيره برده ولا كده الايراد هيزيد وبدل ما كنت واحد هتبقوا اربعه طب والنعمه انت بكره انت اللي تروح تتجوز من كتر الفلوس اللي هتجيلك
الجد
اتجوز ايه هو انا في صحه وعدا وقت 
وبعدها روحت لجدي وقولت ليه
هاله
حرام كده يا جدي انا تعبت انا واخواتي بقى لنا شهرين بنلف في الشوارع شوف شكلي بقى عامل ازاي ده انا وديت من الشمس وتعبت وشعري بقى لونه غريب وبقى لي مده ما صرحتوش انت عاجبك اللي بيحصل لنا ده
الجد
وحد قال لك ما تسرحيش شعرك يا معفنه
هاله
هو انا بس ده انا واخواتي ما احنا بنرجع بالليل مهدودين من كتر اللف طول النهار والوقفه في الشمس وفي الشارع ما بنصدق ناكل لقمه وبنترمي ننام على الكنب هنا
الجد
ده الحل اللي عندي ولما تكبري وتقفوا على رجليك وروحوا لحال سابيلكم لكن ده الحل اللي عندي دلوقتي
كريم
هاله اختي عايزين نروح انا و وكرم عند امنا دي وحشتنا قوي
هاله
يعني هي وحشتنا واحنا ما وحشناهاش يا كريم ولو رحنا لها دلوقتي ودورنا عليها
وعرفنا هي