جدي

ساكنه فين مش ممكن تضربنا دي ما جتش قالت لنا هي قاعده فين او حتى جابت لنا حاجه ناكلها واحنا قاعدين مع جدنا ولا تصرف علينا وما نخرجش نشحت
كرم
انا عايز امي انا هروح لها انا هروح عند بيت جدتي القديم وهسال على امي وهقعد انادي عارف ان خالي قال لي ما تجيش هنا تاني المره اللي فاتت لان مراته مش بتستحملنا
هاله
اذا كان ابونا ومنى ما استحملوناش وكل واحد راح يتجوز خالك هيستحملنا وهو قاعد في اوضه هو ومراته وعياله وبعدها روحنا عند ماما واول 
لما فتحت الباب قالت
سهير
يا لهوي انتم عرفتم مكاني منين
هاله
يعني يا امي ما وحشناكيش ده جدي كان بيخلينا نشحت علشان نعرف ناكل شوفي منظرنا بقى عامل ازاي شوفي وشي بقى عامل ازاي
سهير
انا في وشك دلوقتي ولا في محسن اللي قرب يرجع يعني ما لقيتوش غير الوقت ده تقولي فيه ومين اللي ينشك في لسانه وقال لكم على مكان شقتي
كريم
خالي هو اللي قال لنا لما سيبنا جدي وهربنا من عنده علشان بيخلينا نشحت واحنا تعبنا مراته عملت لنا سندوتشات طعميه وهو قال لنا على عنوانك وجابنا لغايه هنا تحت وسابنا ومشى
سهير
ماشي يا حوده لما اشوف وشك بس ايه ما طلعت القديم والجديد على جتتك ما بقاش انا سهير وفي الوقت ده دخل محسن وقال
محسن
يا حلاوه يا حلاوه ايه الحلويات اللي عندنا دي
سهير
شفت يا محسن ولادي حلوين ازاي
محسن
حلوين لكن تحسي انهم اتحرقوا في الفرن شويه
سهير
جدهم منه لله طلعهم يشحتوا بدل ما يصرف عليهم ويخلي باله منهم هم مش برده حته منه شايلين اسمه رجاله اخر زمن بس هقول ايه ما هو ابنه طالع زيه ما هو رماني ورماهم زمان وراح اتجوز رقاصة درجة عشرة
محسن
ههههه في حته الرقاصه دي هو برده عنده نظر دي عليها هزه وسط توقعها اجدعها دكر ما اعرفش هي بصت للجعير اللي انت كنت متجوزاه ازاي
سهير
كده برده يا محسن مش انا سوسو حبيبتك
محسن
من ناحيه حبيبتي حبيبتي وام حبايبي بقول لك ايه انت تقعدي العيال معانا كده كم يوم شكلهم لطاف نظفيهم بس وحميهم كويس وهم هيبقوا زي العسل
كريم
انت طيب قوي يا عم محسن
كرم
مش قلنا لك يا هاله انه شكله طيب ومش هيغلس علينا ولا يكرشنا
محسن
لا لا يا حبايبي اغلس عليكم ولا اكروشكم ازاي ولاد مراتي يبقوا ولادي ولا ايه يا حلوه انت
هاله
معلش يا عمي انا ما اتعودتش حد يحط ايده على جسمي كده
سهير
جسم ايه يا معدوله هو ده جسم هو الراجل عمل لك حاجه ده كان بيطبطب عليك ادخلي يلا حمي اخواتك واستحمي بدل ما ريحتكم المقرفه دي من كتر الوقفه في الشمس
محسن
بقول لك ايه ما تزعقيش للعيال انا مش عايزهم يكرهوني انزلي اجيبي فاكهه واكل
سهير
من عيني
محسن
بقول لك ايه ما تاخذي العيلين معك
سهير
لا اختهم بتحميهم وبتستحمى جوه انا هنزل واجي بسرعه مش هتاخر اوعى تنام
غير اجي انا جبت لك الفحم والمعسل اللي انت بتحبه وهولع لك الجوزه بعد ما تاكل
محسن
هو ده الكلام وانا جايب حته كده صغيره نحطها على المعسل والسهره صباحي
كريم
ان ماما ست كويسه وطيبه وجوزها طالعه راجل طيب جاب لنا اكل وفاكهه كمان لكن البتاع اللي بيشربها دي ريحتها غريبه ومطلعه دخان كثير قوي
هاله
ايوه دي اسمها الشيشه ولا الجوزه اللي بيشربوها على القهوه وهو قهوجي
كرم
هو مش الناس اللي بيشتغلوا في القهاوي بيقعدوا طول النهار برده بره البيت لكن هو قاعد ليه ما نزلش
هاله
ما
اعرفش ومش عايزه