جوزي وصاحبه كامله بقلم هويدا زغلول

بالعيال وانا من الوقت ده وانا قاعده عند امي وهي ست غلبانة لا حول لها ولا قوه
سها 
والله يابت ياهند انتي صعبتي عليا جدا انتي ذنبك ايه تروحي تتجوزي واحد بخيل كده وامه عامله كده
هند 
عشان نصيبي بقا ياسها هعمل ايه يعني
ردت صاحبتهم وقالت لها 
انتي ان شاء الله ربنا هيعوضك يابت ياهند بواحد احسن عشان تعيشي مرتاحة بدال الغلب اللي انتي شوفتيه ده
هند 
ايوه ياختي بس هو مين ده اللي هيتجوز واحده مطلقه وفي رقبتها عيلين والنبي تسكتي ياسها انتي وهي
سها 
يابت ان شاء الله ربك يعوض والله انتي بس قولي يارب

وبعدها رجعت هند البيت ولقت واحد جارهم في الشقه اللي قصاد امها نازل من عربية شكلها شيك اوي ولما هند شافته قالت لأمها 
وهو مين ده ياماما انا اول مره اشوفه هنا هو ساكن جديد ولا ايه
الام 
ده الاستاذ هشام اللي ساكن هنا في شقه خالتك امل الله يرحمها ده ابنها اللي كان مسافر برة أصله عقبال عندك ورث ورث كبير اوي ورجع يعيش في شقة امه
هند عيونها لمعت لما عرفت انه وارث وقالت 
ااه قولتي لي بقا هي الحكاية كده طيب وهو متجوز بقا ولا ايه انا مشوفتش معاه حد خالص
الام 
لا يابنتي ده عايش لواحده خالص ولسه متجوزش ياحبة عيني شاب زي الفل
هند 
هو من ناحية زي الفل فهو زي الفل فعلا لا ومعاه فلوس كمان ولا العربية اللي راكبها شكلها روعه ده انا مش هينفع اسيبة من ايدي ده
وبعدها كان هشام طالع على السلم وداخل شقته وهند عملت نفسها بطلع الزباله وقال لها 
مساء الخير
هند 
مساء النور اهلا يا استاذ هشام
هشام 
انتي تعرفيني
هند 
طبعا الا اعرفك انا اعرف طنط امل كمان قبل ماتروح الف رحمة ونور عليها دي كانت ست طيبة دي كانت أمي التانية والله
هشام 
فعلا ماما الله يرحمها كانت طيبة جدا وانا للأسف بحكم سفري الكتير مكنتش بقعد معاها يلا الله يرحمها بقا
هند 
تعيش وتفتكرها يا استاذ هشام والله ماما لما قالت لي انك جيت بعد المرحومة وعايش لوحدك قولت ازاى بس الاستاذ هشام يبقا لوحده وانا موجوده
هشام 
انا متشكر ليكي اوي ياااا....
هند 
هند اسمي هند وساكنة هنا مع ماما اصلي يعني ظروفي حكمت بكده عشان اكمني أطلقت وكده
هشام 
انا اسف جدا يا هند بس ده مين اللي انتطس في نظرة وطلق القمر ده
هند 
ربنا يخليك ده من زوقك والله يا استاذ هشام ربنا يسعدك يارب بس هنقول ايه بقا النصيب كده
هشام 
فعلا كل واحد بياخد نصيبة واكيد انتي نصيبك في اللي جاي هيبقا احسن
هند 
يارب يسمع منك ربنا ياخويا
هشام 
طيب عن اذنك انا داخل الشقه
هند 
اتفضل طبعا بس لو احتاجت اي حاجة احنا هنا اهو ماشي
هشام
متشكر اوي عن اذنك
وسابها هشام ودخل وهند فكرت تعمل طبق حلو وتروح توديه لهشام اللي عملته بسرعه وراحت خبطت عليه ولما فتح لها قالت له 
محبتش معملش الحلو ده وانت متدوقش منه اتفضل بس يارب عمايل ايديا تعجبك
هشام 
طيب وتعبتي نفسك ليه يا مدام هند ملوش لزوم التعب ده والله انا كنت جايب اكل معايا وانا راجع واكلت
هند 
لا الاكل حاجة بالهنا والشفا يعني والحلو بتاع هند حاجة تانية انت لازم تجربة بقا وتقولي رايك ايه
هشام 
ههههه متشكر جدا مش عارف اقولك ايه بجد كلك زوق ورقة بصراحة تسلمي
هند 
طيب ممكن اطلب منك طلب يعني لو فيها رخامة يعني ممكن لو نفسك في اكله ولا اي حاجة تبقا تطلبها مني بدال ما انت عايش كده على أكل الشارع ده اللي مش بيجي منه فايدة
هشام 
بس انا اتعودت عليه خلاص ومش هعرف اجرب اكل غيره
هند 
لاااا لعلمك بقا اكل البيت احسن بكتير اوي من أكل الشارع ده اسالني انا انا ست بيت شاطرة على فكرة انت بس جربني كده في اكلة نفسك فيها وساعتها هتعرف الفرق
هشام 
طيب حيث كده بقا انا بصراحة نفسي اوي اكل محشي بيتي لاني جربتة من مطعم ومعجبنيش خالص بس قولت بقا هاكله منين بيتي معرفش
هند 
يانهار ابيض يا استاذ هشام ده انا هعمل اكله محشي تحلف بيها وهاتشوف بقا عمايل ايديا
هشام 
خلاص تمام اشوف وادوق واحكم بعدها على اكلك ولاني واثق ومتاكد انك بتعملي احلى حاجة يامدام هند
هند 
مابلاش مدام دي وخليها هند بس ولا عايز يبقا في تكليف بينا ده احنا حتى جيران والنبي وصا على سابع جار
هشام 
خلاص ياهند مش هاقول غير هند بس وانتي بقا تبطلي كلمة استاذ دي انتي كمان اصل النبي وصا على سابع جار ههههه
فضل يضحكو هما الاتنين وفعلا هند عملت لهشام المحشي وعجبة جدا وبقت دايما تعمل الاكل وتوديه له وفي يوم هشام قال لها 
انا جبت لك هديه بسيطة كده ياهند عشان لانك مش بترضي تاخدي فلوس الاكل اللي بتعمليه فقولت اني اجيب لك الهدية دي
هند 
اخس عليك ياهشام وبعدين انا مش مستنية منك حق الاكل اللي بعمله وبجيبه عشان انت اصلا مش بتطلبه مني انا اللي بعمله لوحدي
هشام 
عارف انك كلك ذوق ورقه ياهند وعارف انك بتشتغلي عشان تصرفي على عيالك بصراحة قولت اجيب لك حاجة بسيطة كده دي مش حاجة يعني ولا حاجة
اخدت هند الهدية وشافتها وكانت عقد دهب وتقيل وهند قالت له 
ينهار ابيض ده عشاني ياهشام بس ده شكله غالي اوي اوي انا مش هينفع اخده لا ياخويا
هشام 
ليه بس ياهند دي هديه بسيطة خالص ومش مقامك على فكرة انتي تستاهلي احسن منها بكتير اوي خوديها بقا ومتكسفيش أيدي عشان خاطري
هند 
حاضر انا هاخدها بس ياريت ماتتكررش تاني ماشي
هشام 
ماشي ياستي مش هتكرر تاني حاضر
وعدت الايام وهند تعلقت بهشام وراحت الشغل وقالت لسها
خليت جوزي في الحمام وكنت مع صاحبة في السرير....
الجزء التاني
ولما راحت هند الشغل وحكت لسها عن هشام قالت لها
بصي بقا يابت دي فرصتك وجات لحد عندك انتي مش لازم تسيبي هشام ده يضيع من ايدك كده طالما بتقولي انه غني ووارث وكمان كان بيسافر بره يبقا مش تسبيه من ايدك خالص
هند
وانتي عايزاني اعمل ايه يعني ياسها انا كل يوم بعمله الاكل اللي بيحبه على أمل يحس على دمة وهو ولا هو هنا خالص اعمله ايه تاني
سها
خليكي وراه كده علطول لحد لما تلاقيه بيطلب منك الجواز ساعتها بقا انتي وافقي بشروطك انتي
هند
والنبي ياسها انت فايقه انا بقولك ده شاب زي الفل هو برضو هيتجوز واحده زي مطلقه ومعاها عيلة
سها
هبله وعبيطة ومش عارفه مصلحتك يابت وانا لازم اوعيكي يابت يا هند فتحي مخك انتي مش بتقولي انه بيحب اكلك خالص وكل يوم يطلب منك تعملي حاجة هو نفسه فيها
هند
ااه بس بصراحة بعد ما بتحايل عليه كتير اوي يا سها ده ساعات مش بيرضي ياخد مني الاكل وبيغلبني
سها
ليه هو عيل صغير ولا ايه انتي بقا ياحبيبتي تتكي اوي في حتة انك لازم تعملي له الاكل اللي بيحبه دي وتخليه هو يتعلق بيكي اكتر وميقدرش يستغني عنك
هند 
طيب اعمل ايه فطميني انا معرفش حاجة
سها 
هاقولك انتي اتقلي عليه شويه خليه يدور عليكي يعني مثلا اختفى من قدامة يومين كده خليه يجي يخبط ويسال عليكي وبعدها بقا تبدتي اللعب
هند 
ايوه