جوزي وصاحبه كامله بقلم هويدا زغلول

اللي هو ايه بقا اللعب ده
سها 
انتي بقا هتقولي له معلش ياهشام انا بعد كده مش هينفع أقف معاك ولا اتكلم معاك اصل انا حاسه ان الناس بدأت تتكلم عليا انا اسفه واقفلي في وشه الباب
هند 
طيب افرضي يافالحة مشي ومرجعش تاني ولا مصدق هيبقا ايه الحال بقا ساعتها وانا بصراحة ماصدقت لقيت راجل زي هشام ده يهتم بيا
سها 
ماهو بقا لو هو عايزك ومش قادر على بعدك هايجي يتقدم لك ويقولك لا ياهند انا مش هقدر اتصور حياتي من غيرك وكده ووقتها هيطلبك للجواز
هند 
تفتكري يعني ياسها الخطة دي هتنجح انا خاېفه اضيعه من ايدي ابقي خسړت كل حاجة

سها 
جربي بس الخطة بتاعتي دي وان شاء الله هتنجح خليه يتجوزك بقا يابت وتعيشي معاه
هند 
والله شكلك هتخربي الدنيا مش عارفه ليه قلبي مش مطمن لخطتك دي ياسها بس هجرب وأمري لله
وفعلا لما هند رجعت البيت وقالت تعمل زي سها ما قالت لها وفضلت قافله على نفسها ومخبتطش على هشام وهو لما لاحظ قعد يفكر وقال لنفسه 
هي هند فين النهارده مشوفتهاش يعني تكونش تعبانة ولا حاجة اروح اسال عليها بس هتسال عليها بصفتك ايه بس هي كل يوم متعوده تسأل عني النهارده هي فين قلبي وأكلني عليها
وراح خبط على الباب وابنها الصغير فتح له وقاله 
نعم ياعمو عاوز حاجة
هشام 
ازيك يا مصطفى هي ماما فين مش باينة ليه
مصطفى 
ماما نايمة وتعبانة وقافله تليفونها عشان مش عايزة تكلم حد اقولها حاجة
هشام 
ااه ابقي اقولها عمو هشام سال عليكي ماشي اوعي تنسي
مصطفى 
حاضر ياعمو عن اذنك ودخل وقفل الباب
وجوه هند قالت لابنها جدع ياصاصا ياحبيبي
ردت امها وقالت 
والله ما انا عارفه أخرت اللي بتعمليه ده ايه ياهند يابنتي ربنا يصلح حالك يارب
هند 
ايوه كده ياماما والنبي ادعي لي كتير اوي ياحبيبتي
وعند هشام قال لنفسه 
ياترى هند مالها انا قلقان عليها كده ليه انت تعلقت بيها ولا ايه ياهشام لا اعقل كده دي واحده مطلقه ومعاها عيال ومش معقوله هتبص لك انت....... طيب وليه لا هو انا يعني فيا عيب ولا حاجة انا لازم اكلمها ورن عليها وهي مردتش عليه راح بعت لها رساله صوتية بيقول فيها 
لو سمحتي ياهند طمنيني عليكي عشان انا قلقان جدا عليكي ومعرفش عنك حاجة بقالي يومين ارجوكي ابقي ردي عليا
هند 
شافت الرساله بتاعته وفرحت اوي من كلامة ليها وحست انها عايزة تكلمه وفعلا كلمته وهو ماصدق شاف اسمها على التليفون وقال 
الووو هند ايه يابنتي فينك كده قلقتيني عليكي اوي اوي طمنيني انتي كويسة
هند 
اه ياهشام انا كويسة اطمن بس انت قلقان عليا كده ليه يعني
هشام 
مش عارفه يعني انا قلقان عليكي ليه ياهند بصراحة انا كمان مش عارف بس حاسس اني قلقت عليكي اوي وكان لازم اطمن عليكي
هند 
شكرا ياهشام على قلقك عليا بس انا اخر مره هخبط عليك ولا هقف معاك تاني معلش ياهشام انا حاسه ان الناس بدأت تتكلم عليا وتجيب في سيرتي
هشام 
ومين اللي يجرا يجيب في سيرتك ده بس ياهند انتي احسن واحده في الدنيا كلها واللي يجيب سيرتك احط صوباعي في عنيه
هند 
ارجوك ياهشام عشان خاطري بلاش تكلمني تاني وخلي بالك من نفسك وتبقا تاكل كويس يلا مع السلامة دلوقتي لازم اقفل
قالت كلامها وقفلت في وشة الخط وفضل هشام رايح جاي في شقته ومتوتر واخد قرار وقال ينفذه وراح لهند البيت وامها فتحت له 
قالها 
مساء الخير ياطنط عامله ايه طمنيني عليكي
الام 
اهلا يابني اتفضل ادخل يادي النور يا اهلا وسهلا انت نورتنا والله
هشام 
ده نورك ياطنط ربنا يخليكي يارب انا قولت اجي عشان اتكلم مع حضرتك في موضوع بخصوص هند وقولت محدش هيفدني غيرك
الام 
قول يابني تحت امرك طبعا انت زي ابني
هشام 
وده العشم برضو ياست الكل انا كنت جاي وطالب ايد هند منك عايز اتجوزها ويهمني اعرف رايك
الام 
والله يابني انت فاجتني بالموضوع ده بس انت عارف ظروف هند كويس وكده ولا متعرفش حاجة عنها
هشام 
لا ازاى انا عارف طبعا ياطنط ظروف هند هي حكت لي عنها كلها وعارفها وعشان كده انا عايزها وموافق على كل شروطها
الام 
على العموم يابني انا مليش اني اقول رأي في الموضوع ده الرأي رايها برضو وهي ادري بكل حاجة انا هنادي عليها وانت اتكلم معاها
ودخلت امها وقالت لها 
الحقي يابت ياهند هشام جاي وطالب ايدك للجواز يلا روحي شوفي هتعملي معاه ايه ده
هند 
بجد والنبي ياماما انا فرحانة اوي استني شوفيني كده شكلي حلو كده هااا قولي بسرعه
الام 
يابت انتي زي القمر يلا اطلعي له وشوفيه عايز ايه منك يلا بسرعه
هند حاضر حاضر
وخرجت هند لهشام واول لما شافها قال لها 
هند وحشتيني اووي اووي اهون عليكي كل الايام دي متساليش فيا
هند 
معلش ياهشام انا قولت لك اللي فيها واني انا مش عايزة حد يجيب سيرتي بكلمة واحدة وانت عارف ان الناس لسانها مش بيرحم
هشام 
وانا جيت دلوقتي عشان أخرس لسان اي حد يجيب سيرتك بكلمة واحده ياهند وجاي دلوقتي عشان اطلب ايديك واتجوزك
هند 
طيب وانت بقا عارف ظروفي ياهشام انا ولادي مش هقدر استغني عنهم ابدا انت سامع ولا لا
هشام 
طبعا طبعا ياهند ولادك دول هيبقوا ولادي انا كمان هربيهم معاكي ونكبرهم ونخاويهم واي حاجة يطلبونها ملزومة مني انا
هند 
خلاص ياهشام انا موافقه بس تجيب لي بيت في مكان تاني
هشام
طيب ليه ياهند ما نفضل في شقتي ياستي اعملي فيها كل اللي انتي عايزاه عايزة تغيري العفش غيري اللي يعجبك اعمليه
هند 
خلاص يبقا نشوف هي عايزة ايه يتوضب فيها نعمله
هشام 
اللي يعجبك ياحبيبتي اعمليه دي هتبقا مملكتك وانتي حره فيها طبعا
هند 
انا مبسوطة اوي ياهشام عشان ربنا عوضني براجل زيك كده
هشام 
انا كمان مبسوط ان ربنا اداني واحده ست بيت زي القمر زيك صحيح من هنا ورايح مفيش شغل واي حاجة عايزاها انا رقبتي سدادة ماشي
هند 
حاضر ياحبيبي بس انا كنت عايزة اروح اقابل صحباتي واعزمهم على كتب كتابي بقا ماشي
هشام 
خلاص ياحبيبتي اللي تشوفيه بس رجوع الشغل ده ممنوع خالص ماشي
وبعدها هند راحت قابلت سها وقالت لها 
جه يابت ياسها جه وطلبني للجواز عايزني اعيش معاه انا وعيالي كمان انا ربنا عوضني بيه
سها 
ايوه بقا ياسيدي ياسيدي هو ده الكلام يابت انتي كده عديتي بقا وده اللي هيعيشك عيشة ملوكي بصحيح
هند 
انتي هتقري يابت ولا ايه بطلي ياختي امسك الخشب هههه..
سها 
بقا انا يابت هحسدك برضو ده انا اللي قولت لك على الوصفه يامنيلة واهو اديكي هتعومي على وش الفته ولوحدك اهو يارب بقا متنسيش سها حبيبتك
هند 
لا يابت مش هنساكي مټخافيش هديكي حته منه يعني انا هاخده يوم وانتي يوم ههههه
سها 
هزري اوي هزري ماشي ياهند على العموم ربنا يسعدك يارب واشوفك اسعد واحدة في الدنيا دي كلها
هند 
والله يابت ياسها انا لو ليا اخت مش هتعمل معايا زيك كده انتي بجد احسن اخت وصديقة ربنا يخليكي ليا يارب
سها. 
يابت انا بتمنالك الخير كله ونفسي اشوفك اسعد واحده اومال ايه يلا عشان تلحقي ترجعي البيت قبل العرريس مايلاقيكي اتاخرتي كده انتي لسه متدخلتوش عشان تعملو مشكلة
هند 
اه والنبي يابت صح ده قالي متاخرش عشان هيجيب الماذون النهارده